3Cirku shubi ogaa roob
Dhulku reys qaboobaa
Ramastu udgoonaa
Gesi raacdo dheera
Fule maalin reeyaa
Fadh fadh ragasho badanaa
Ratigaan hayin aheyn
Rarashada ku liitee
Hadii uu ribada oo
Rugta beerka weheshado
Raxanraadka caashaqu
Ruux weyn u daranaa
Raxmadii naftaa maqan
Raranbaa qalbigaa
Mar ruugiyo lafta i jaban
ugu sheeg kalgacalkiyo
Caashaqa runtaa
Rido igu wareeyoo
Sida roon rabaa ogee
Walee aniga lay rarayeey
      
sida ubax gudoonsadey
ama keyn ugbaadloon
afka saarin xooluhu
adiga oon ii iman
urta caafimaadka leh
koley adiga inaad tahey
sow udgoonkii maan garan
ma ogtahey jaceylkuna
eebadu sitaa waa halis
wadna kaala eegtaa
adna uu xidid iidarey
ambabaxayee socodka
inaan eebe igu qadin
adiguna gayaankey
axdigana ha fududeyn
This is where we will explain how we got to where we are today. For example, we might talk about how long we have been in business and the way we apply that experience to our customers. Jacayl aan dhamaanbaa
Dhexda iigu maranoo
kii hore ayaa i dhaawacay
kanna way igu dhaafee
Dhabuhuu ka foofiyo
Dhib u qaad miyaan ahay
Dharaaraba waxyaablaa
igu soo dhacaayee
Allahayow dhib badanaa
adoo dhoofey caashaqa
dhul shisheeye kaa heley
Waaban soo dhaqaaqee
dhiiranaa il adaga
dhabaha yuu lasoo marey
dhawr habeen dayaaradi
meel ay udhixi buu
dhakhso iigu yimide
dheereeye maxaa side
Waxa kaloon la dhaygagay
koron korta dhirteedii
dhulkoo hodon ah geedaha
dhayntiyo canba is xidhey
kayn libaax ilmaha dhigo
anigoo ku dhuuntuu
igasoo dhex saaree
dhaayihiisu furanaa
ma dhal awliyaadbaa
Hurdo miyaan dhakoolaa
dhan markaan useexdaba
soow dhool la moodii
dhabta anoo ku heeysta
kuma soo dhadhabayoo
dheelalow ma soo kaco
Soomaaliya Dhankeedii
Dhawaq farax leh mooyee
Dhiilo kama sugaayee
Allahayow iyadoon dhiman
Dhaban quruxsan oo ladan
Kalgacaylkii dhicin
waliba dhir sii korey
dhulkiiyoo barwaaqaa
dhamaantayo na nabad gee
Sida mayda geeloo
malkadii nugaaleed
maqasha loogu xidhayoo
mahiigaanka oo da'ay
cosobkii macaanaa
lagu mayracaayo
baar qabkii ku madan tahaye
qaalmaha maliilicay
madidii irmaaneyd
laga maalo caanaha
maatidu ku nagidahay
martidana la sooroo
masiibada la neceb yahan
alla wiilku mudanaa
mudanaa macaanaa
ragu magac qurxoonoo
alla yaa malyuun jeer
maalin iyo habeenkii
muuqiisa daawada
Sida maniyo hoobaan
muguc iyo xareedii
hoos maaxayaanoo
midabkoodu u dheer yahay
muda ay bislaadeen
malmuhu is gaadheen
maroodigu dhirtii cunine
ama xoolihii madhin
milicdii arooryaad
balan uma diideen
yaan madiyow waligey
kugu meehanaaboo
maankeygu kaa hadhine
alla wiilku mudanaa
mudanaa macaanaa
ragu magac qurxoonoo
alla yaa malyuun jeer
maalin iyo habeenkii
muuqiisa daawada
| 
